Það er óhætt að segja að Silver Doctor sé úr klassíska skólanum. Ein af nokkrum úr Doctor fjölskyldunni. Höfundurinn er James Wright sem bjó í Skotlandi og byrjaði að nota þessa flugu í kringum 1850. Já, sumar flugur lifa - enda er þessi algerlega mögnuð. Sumir vilja meina að hún veiði sérlega vel í lituðu vatni á meðan aðrir vilja helst nota hana í sól og björtu. Þér er svo sannarlega óhætt að prófa þessa við fjölbreyttar aðstæður.